Илсур Метшин: «Яхшыга өметләнегез, команда туплагыз һәм чигенмәгез»

Казан мэры Илсур Метшин «Җитәкчеләр өчен дәүләт идарәсе остасы» программасында катнашучыларга Казанны халыкара вакыйгалар үзәгенә һәм уңайлы шәһәргә әвелдерелгән реформалар турында сөйләде. Программа Югары мәктәп

дәүләт идарәсе Президент академиясе институтында гамәлгә ашырыла һәм алты көндезге модульне, шул исәптән төбәк стажировкаларын үз эченә ала. Әлеге программа кысаларында илнең 23 төбәгеннән хакимият органнарының 86 хезмәткәре өчен Казанда белем бирү модуле оештырылды, очрашу Г.Камал исемендәге театрның яңа бинасында узды.

Казан мэры Илсур Метшин илнең 23 төбәгеннән хакимият органнары җитәкчеләренә мөһим шәһәр проектлары турында сөйләде. Шуларның берсе — 2006 елда үткәрелгән транспорт реформасы. Ул вакытта ташучылар өчен бердәм шартлар эшләнде, бер төрле автобуслар сатып алынды, яңа, уңайлы маршрут челтәре эшләнде. Нәтиҗәдә Казан Россиядә экологик автобуслар белән беренче шәһәр булды. Бүген 54 маршрут буенча 608 уңайлы җәмәгать транспорты берәмлеге йөри.

«Бу реформадан соң 18 ел узды, безгә үсәргә мөмкинлекләр булды. Авыр булды, әмма без моны эшли алдык. Һәм барысы да команданың ихтыяр көче һәм сабырлыгы, эзлекле хезмәте нәтиҗәсендә. Беркайда да мондый тәҗрибәнең булганы булмады, шуңа күрә без тырыштык, хаталар ясадык, әмма башкарып чыктык. Менә сез дә яхшыга өметләнегез, команда җыегыз һәм беркайчан да артка чигенмәгез», — дип мөрәҗәгать итте шәһәр башлыгы катнашучыларга.

Ул шулай ук Казанның тышкы реклама базарын тәртипкә китерүе һәм реклама урнаштыру өчен федераль сатулар үткәрелгән Россиянең беренче шәһәре булуы турында сөйләде. Бу тарихи үзәкне тәртипсез рекламадан чистартырга, шәһәрнең тышкы кыяфәтен яхшыртырга һәм муниципаль бюджетка керә торган акчалар санын арттырырга мөмкинлек бирде.

Илсур Метшин шулай ук торак фондын капиталь ремонтлау, шәһәрне яшелләндерү һәм мәктәп ашханәләре булдыру программасын гамәлгә ашыру тәҗрибәсе белән уртаклашты. «Боларның барысын да без илдә бюджет акчалары булмаганда беренчеләрдән булып эшләдек. Бер генә максат бар иде – шәһәрне безнең казанлылар һәм киләчәк буын өчен яхшырак итү», — диде ул.

Аннары Казан мэры белем бирү программасында катнашучыларның сорауларына җавап бирде. Дәүләт системаларын цифрлаштыру блогы проектлары директоры Зәлимхан Гайсумов кадрларны җәлеп итү буенча эшнең ничек оештырылуы белән кызыксынды.

«Кадрлар аудиты бар, аның аша барысы да уза, шулай итеп без кандидатның көчле һәм йомшак якларын күрәбез. Без билгеле белешмәсез беркемне дә эшкә алмыйбыз, һөнәри белемнәр мөһим. Без кадрларга зур игътибар бирәбез, команданы укырга җибәрәбез. Шул ук вакытта яшьләрне даими җәлеп итәбез», – диде Илсур Метшин.

«Банк ПСБ» ГАҖ дәүләт хакимияте органнары белән эшләү төркеме җитәкчесе, «Россия лидерлары» идарәчеләр конкурсының суперфиналисты Сергей Доготарь Илсур Метшинның нинди максатлар куюы белән кызыксынды.

«Безгә үсәрлек һәм яңа үрләргә җитәрлек урын бар. Мин БРИКС+ илләре шәһәрләре һәм муниципалитетлары ассоциациясен төзергә тәкъдим иттем, моңа дөньяның 20 иленнән 200 шәһәр җавап бирде. Әле оешмага бер ел булмады, ә безне Бразилиядә БРИКС саммиты көн тәртибенә керттеләр. Без БРИКСның барлык мэрлары өчен дүрт телдә сайт булдырабыз. Мондый авырлыкны без хәзер үзебездә сынап карыйбыз», — диде шәһәр башлыгы Сергей Доготарьга.

Г.Камал исемендәге театрның яңа бинасында Казанның баш архитекторы Илсөяр Төхвәтуллина белән узган программаның катнашучылары аралаштылар. Илсөяр Төхвәтуллина шәһәрнең киң үсеше турында сөйләде. Катнашучылар Бәшир Рәмиев исемендәге IT-паркта, «УРАМ» экстрим-паркында, «Елмай» балалар паркында булдылар, шулай ук шәһәрнең иҗтимагый киңлекләрен яңарту белән таныштылар.

Атна дәвамында программада катнашучылар алдында шәһәр Башкарма комитеты җитәкчесе урынбасары Илдар Шакиров, Казан Мәгариф идарәсе җитәкчесе урынбасары Илмира Уразова, Азык-төлек һәм социаль туклану департаменты директоры Рима Мөхәммәдшина, шәһәр Башкарма комитеты Аппараты җитәкчесе Булат Алеев һәм башкалар чыгыш ясады.

Катнашучылар шулай ук «Казан» Гаилә үзәгендә, укыту-тернәкләндерү үзәгендә һәм «Ярдәм» мәчетендә, Серов урамындагы инклюзив бульварда һәм Иннополиста булачак. Белем бирү программасының бишенче моделе төркемле проектларны тәкъдир итү белән тәмамланачак.

«Җитәкчеләр өчен дәүләт идарәсе остасы» программасы Россия Президенты каршындагы Россия халык хуҗалыгы һәм дәүләт хезмәте академиясе тарафыннан гамәлгә ашырыла. Программаны тәмамлаучылар арасында 230дан артык суперфиналист һәм «Россия Лидерлары» идарәчеләр конкурсында җиңүчеләр, шулай ук РФ субъектлары башлыклары урынбасарлары, төбәк министрлары, аларның урынбасарлары, шәһәр башлыклары, төбәк һәм җирле дәрәҗәдәге депутатлар, федераль югары уку йортлары ректорлары һәм проректорлары бар.

«Җитәкчеләр өчен дәүләт идарәсе остасы» программасының җиденче агымы узган елның сентябрендә башланды. Анда 86 кеше – дәүләт һәм муниципаль хезмәткәрләр, социаль өлкә җитәкчеләре катнаша. Катнашучыларның географиясе Россиянең 23 төбәген үз эченә ала.

Узган дүрт модульдә катнашучылар дәүләт секторында идарә итүнең заманча технологияләрен, үсешнең глобаль трендларын, цифрлы дөньяда идарә итүнең яңа ысулларын һәм нәтиҗәле менеджментның заманча принципларын өйрәнделәр, шулай ук Россия төбәкләрендә стажировка уздылар. Татарстан башкаласы дәүләт хезмәткәрләре муниципаль идарәнең үзәкләштерелгән алымнары, шулай ук шәһәрдәге үзгәрешләрне җайга салу ысуллары белән таныша торган мәйданчыкларның берсенә әверелде.