Казан Мэры «Ак Барс» студиясенә килде: Миңнехановның суперһөҗүмнәре турында сөйләде һәм командадагы яраткан уенчысын атады

Казан Мэры Илсур Метшин «Ак Барс» һәм «Витязь» арасындагы даими КХЛ чемпионаты матчында «Ак Барс Шоу» кунагы булды. Шәһәр башлыгы коронавирус аркасында уйналмаган узган сезон турындагы истәлекләрдән башлады. Метшин фикеренчә, «Ак Барс» командасы «аяк өстендә» иде.

«Алдагы уеннарны гамәлдән чыгару командалар һәм җанатарларның хоккейны тагын да ныграк сагынуына китергәндер, дип уйлыйм. Әлбәттә, әлеге сезонны уйнап бетерәсе килә иде, җитмәсә команда да тәртиптә һәм «аяк өстендә» булды. Кызганыч, сезон тәмамланды. Барлык чикләүләргә карамастан, яңа сезонның башлануы мөһим. Без үзебезнең команданы күрәбез һәм «Ак Барс» өчен җан атабыз. Барыгызны да яңа сезон ачылу белән!». 

Старт алган сезон турында сөйләгәндә, Метшин «Ак Барс»ны дүрт тапкыр Гагарин Кубогы иясе итеп күрү теләге турында җиткерде. Мэр фикеренчә, команданың моның өчен барысы да бар.

«Стажлы җанатар һәм шәһәр мэры буларак, безнең, өч тапкыр Гагарин Кубогы ияләре булып кына калмыйча, дүртенче трофейны да җиңүебезне көтәм. Без – максималистлар. Моның өчен барысы да бар: бу елда бик баланслы состав эшли. Дмитрий Квартальнов – тәҗрибәле тренер. Тәҗрибәле «аксакалларыбыз» Данис Зарипов, Артём Лукоянов, Альберт Яруллин калды. Узган сезонның иң яхшы капкачысы Биляловны саклап калулары сөендерә. Воронков, Галимов кебек яшьләргә шатланабыз. Һәм легионерларның – да Коста белән Доус килүе дә составны көчәйтәчәк. Доус – КХЛның иң яхшы легионеры, шуңа күрә экспертлар бәяләве буенча безнең состав иң баланслы. Быел сезонны уңышлы тәмамлау өчен барысы да бар. Ачылу кубогы моны күрсәтте», – диде Метшин.

«Ак Барс Шоу» алып баручысы Мәхмүд Аракаев, үзе дә еш кына хоккей уйнарга яраткан шәһәр мэрының Казан клубының яңа уенчысы Найджел Доустан берничә дәрес алудан баш тартмас дип фаразлады. Метшин инкарь итмәде: «Мин рәхәтләнеп шөгыльләнер идем. Сүз уңаеннан, Данис Зарипов һәм Алексей Морозов белән уйнау бәхете тигән иде. Без бер өчлектә уйнадык. Бу профессионаллар – аларның күзләре йөгерә. Алар могҗизалар тудыра ала».

Метшин үзенең, шулай ук ТР Президенты Рөстәм Миңнехановның хоккей уйнавы турында да сөйләде. Казан Мэры фикеренчә, хоккейда Миңнехановка яшь вакытта машина йөртүче булып эшләү тәҗрибәсе ярдәм итә.

«Мин сул як һөҗүмчене уйныйм. Балачакта да, ветераннар уеннарында да әлеге позициядә йөрим. Соңгы тапкыр, сүз уңаеннан, өч көн элек кенә уйнадым. Берсен керттем, дүртесен бирдем. Әни һәрвакыт: «Анда, мөгаен, капкачы булмагандыр», – дип көлергә ярата, ди Метшин үзенең мавыгуы турында.

«Фирсов та, безнең президент та да шулай ук ыргытты. Аның мускуллары иңбашында булса, минекеләр, мөгаен, аяктадыр. Аның кебек ыргытып булмаячак. Яшь чагында, райпода эшләгәндә, ул УАЗик рулен әйләндергән бит. Ул президент булганга түгел, ә яхшы чиртүче булганга шулай яхшы кертә», – дип белдерде мэр Миңнеханов уены турында. 

Метшин сүзләренчә, ул Казан клубы уеннарын карап барырга тырыша һәм хәтта кайвакыт күзәтә алмаса да, уеннарга күзәтүләр ясый.

Мэрның «Ак Барс»тагы яраткан уенчысы турындагы сорауга җавабы көтелмәгән булып чыкты. Метшин, гамәлдәге уенчыларның берсен түгел, клуб президенты Наил Маганов фигурасын билгеләп үтте. 

«Клуб президенты Наил Магановны яратам. Мин аңа җанатар буларак рәхмәтле. Клуб президентына һөнәри хоккейның төзелгән структурасы өчен рәхмәтлемен. Җанатарлар белән эшне билгеләп үтәм – юкка гына клуб маркетологлары лигада беренче урыннарны алып бармый. «Ак Барс»ның тулы бер гаиләсе бар һәм бу безнең горурлыгыбыз булырга тиеш. «Ак Барс» хоккей, «Рубин» футбол, УНИКС, «Синтез», «Зенит-Казан» һәм «Динамо-Ак Барс» – барысын да яратабыз», – диде шәһәр башлыгы.

«Ак Барс Шоу»га сәфәрен Метшин матчта беренче кертелгән алканың зур булмаган аналитигы белән тәмамлады. Исегезгә төшерәбез, «Витязь» уенда инде 51-нче секундта – алка Альберт Ярулинның тимераягыннан казанлылар капкасына очып киткән вакытта исәпне ачты. 

«Көтелмәгән алка. Капкачы әзер түгел иде. Моны хәтта алканы ыргыту да дип атап булмый. Саклаучы үзе дә ышанмады. Бу үзебездә оештырылган беренче уен, күрәсең, егетләр бераз дулкынлана булса кирәк. Ләкин команданың шансы зур! Доус, да Коста белән Азеведо чыгуга ничек сөенделәр. Бильярд! Аз гына керми калды. Команда «аякта», команда тәртиптә. Башкаручылар мәйданчыкны бик яхшы күрә. Без чын матур хоккей күрә алабыз. Бүген безнең арена 25 процентка тулган, әмма пандемия йомшарды – инде 50 процентка тулган трибуналарны күрергә була. Сезон барышында аренаның ахыргача ачылачагына һәм җанатарларыбызны тулы составта күрәчәгебезгә ышанабыз», – дип нәтиҗә ясады мэр. 

2020 елның 5-нче сентябрендә «Спорт Бизнес Online» спорт электрон газетасында басылып чыкты