Илсур Метшин: «Сез — җәмгыятебезнең кыйммәтле тәҗрибә һәм гасырлар буена җыелган зирәклекне туплаган таянычы»

Татарстан башкаласы мэры Илсур Метшин халыкны Халыкара өлкәннәр көне белән котлады.

«Хөрмәтле казанлылар, өлкән буын вәкилләре!

Бүген без сезгә – хөрмәтле ветераннарыбызга, әти-әниләребезгә, пенсионерларыбызга һәм Татарстан башкаласында яшәүче барлык өлкәннәргә ихлас рәхмәтебезне белдерү мөмкинлеге бирә торган үзенчәлекле датаны билгеләп үтәбез. Сез — җәмгыятебезнең кыйммәтле тәҗрибә һәм гасырлар буена җыелган зирәклекне туплаган таянычы.

Сезнең тормышыгыз — хезмәт, батырлык һәм киләчәк турында кайгырту белән тулы бер чор ул. Сез — тарихның тере шаһитлары, буыннарны берләштерүче гореф-гадәтләр һәм кыйммәтләрне буыннан-буынга тәэмин итүче. Казан бүгенге көндә – алыштыргысыз үзенчәлеге, бай меңьеллык тарихы булган заманча мегаполис, илебезнең матур шәһәрләренең берсе булуында сезнең казанышыгыз да бар.

Авырлыкларны җиңә белүегез, чыдамлыгыгыз һәм сезнең яшәү энергиягез барыбыз өчен дә үрнәк булып тора. Яшьлек һәм идеяләр яңа югарылыкка омтылган заманча дөньяда нәкъ менә сез үз тәҗрибәгез һәм аңлавыгыз белән безне бу юлда юнәлдерергә һәм ярдәм итәргә сәләтле.

Бүген без сезгә тирән ихтирам, соклану һәм рәхмәт хисләре белән мөрәҗәгать итәбез. Сез яхшыга лаек, һәм без сезнең тормышыгыз уңайлы, бай һәм шатлыклы булсын өчен кулдан килгәннең барысын да эшләргә әзер.

Сезгә нык сәламәтлек, бәхет, озын гомер һәм бетмәс оптимизм телибез!

Татарстан Республикасы башкаласы — хезмәт батырлыгы шәһәре — Казанның үсеше өчен эшләгәннәрегез өчен рәхмәт!» — диелә котлауда.